Goi bilera Indian: Pertsonak irabazien aurretik jartzea, finantza sektorea eraldatuz

GABVek pertsonak jartzen ditu irabazien aurretik, gardentasun handiagoa izanik eta finantzak garapen ekonomiko, sozial eta ingurumen garapen iraunkorra sustatzeko erabiliz. Oikocredit 2017ko urtarrilean bihurtu zen GABVeko kide, eta hitzordu honen bitartez  banku bihurtu diren edo banku bihurtzeko eraldaketa fasean dauden kideen eta GABVen arteko konexioa erraztu nahi da. GABVek eragin politikoko sare indartsua du, baita ezagutza aberatsa ere; bi horiek uztartuz eta gizarte jardunari eta finantza inklusioari dagokienez Oikocrediten ikuspuntua aplikatuz sortuko den esparruaren bitartez diru-sarrera baxuak dauzkaten pertsonen eta haien komunitateen beharrizanak betetzeko aukera izango dute banketxeek.

Ging Ledesmak, Oikocrediteko Gizarte Jardun eta Inbertitzaileekiko Harremanen Ataleko zuzendariak, honako hau esan zuen: “Bezeroak erdigunean mantentzea, produktu eta zerbitzu egokiak eskaintzea eta haien bizitza hobetzeko bezeroei laguntza ematea: horiexek izan behar dira aurrerantzean ere gure ikuspegi nagusia osatu behar duten elementuak, akziodunentzako balioa  areagotzeko ikuspegi mugatua baino gehiago. Gure ustez, GABV bezalako sare batek hortxe du gakoa.