Oikocreditek finantzatutako erakundeen bitartez 40 milioi onuradun egon dira 2016. urtean
![cover-spm-report-2016-uk.jpg](/l/ca/library/download/urn:uuid:486c5dcb-3b59-4d11-8759-70b13812bdb4/cover-spm-report-2016-uk.jpg?scaleType=1&width=220&height=220)
gizarte-eragineko inbestitzailea den Oikocrediten gizarte- eta ingurumen-jarduerari buruzko azken txostenean adierazi da onuradunen % 84 emakumeak izan direla
Herbehereak – Oikocredit munduko gizarte-inbestitzaile eta kooperatiba bat da, eta gizarteratzeko finantza-erakundeak finantzatu zituen. Horrela, 40 milioi pertsonengana iristea lortu du, eta horietatik % 84 emakumeak izan dira.
Emaitzak gaur argitaratu dira, eta gizarte- eta ingurumen-jarduerari buruzko azken txosteneanargitaratutako emaitzen adierazle batzuk baino ez dira.
2016. urtean finantza inklusiboak izan ziren Oikocrediten garapenerako finantzaketa-zorroaren % 78. Zorro hori 1.047 milioi eurokoa izan zen. Gainerakoa nekazaritzan jarduten duten erakundeetan inbertitu zen, non bidezko merkataritzako 85 erakunde zeuden, bai eta energia berriztagarrietan ere.
Oikcoreditek, halaber, ingurumen-adierazle berriak jakinarazi zituen. 2016. urtean, Oikocreditek lagundutako proiektuetan, energia garbiz hornitu ziren 5.400 etxebizitza inguru, eta CO2ko 6.960 tona ekidin ziren.
Hauxe adierazi du Thos Gieskes Oikocrediteko zuzendari exekutiboak: «Berrogei urte baino gehiagoko eskarmentuarekin, Oikocredit une bikainean dago oso sustraituta dauden ezberdintasunak konpontzen laguntzeko, bai eta bidezko merkataritza sustatzeko eta karbono gutxi duen ekonomiarantz trantsizioa egiten laguntzeko ere».
«Oikocreditek emaitzen neurketa zorrotz bat egiteko konpromisoa hartu du, eta garapenerako finantzaketari buruzko ikuspuntu berritzaile eta osoa du. Finantza-itzulkinak sor daitezkeela sinesten dugu, gizarte- eta ingurumen-helburuekiko konpromiso irmoa adieraziz.
Hementxe duzu txosten osoa (erderaz): http://www.oikocredit.es/es/publicaciones/informes-de-desempeno-social